"Авантуры майго жыцця"

#33448

Реферат

Не указан

Литература

Не указана

Мэта заняткаў: самастойнае практычнае вывучэнне мемуараў С. Пільштыновай, фарміраванне ўяўлення пра іх значэнне ў гісторыі беларускай літаратуры.
Ход выканання задання: выкарыстоўваючы рэкамендаваную літаратуру і электронныя рэсурсы, пазнаёміцца з біяграфіяй пісьменніцы, прачытаць твор і ўмець даць вусны адказ на 7 прыведзеных пытанняў з рэзюміруючымі ўласнымі вывадамі.
Патрабаванні: форма заняткаў — семінар з элементамі дыспуту.


1. Кароткія біяграфічныя звесткі пра аўтарку і творчая гісторыя “Авантураў...”.
2. “Авантуры...” ў жанравых адносінах (як мемуары, самаапраўдальная споведзь, аўтабіяграфічная аповесць, падарожныя нататкі, прыгодніцкі раман) і іх мастацкія асаблівасці (прыкметы “белетрызацыі” мемуарнага жанру, элементы “прыгодніцтва”, займальнасць і эмацыянальнасць апісанняў, спробы выяўлення ўнутранага стану і інш.).
3. Адметнасць кампазіцыі твора (асветніцкія ідэі і роля ўстаўных навэл, змест якіх не датычыць біяграфіі аўтаркі).
4. Рэальнасць, вымысел і містычны элемент у “Авантурах...”. Тэкст і падтэкст твора: асоба аўтаркі і вобраз галоўнай гераіні (як жонкі, лекаркі, жанчыны, каханкі, маці, падарожніцы, хрысціянкі, нашай зямлячкі і г.д.).
5. Майстэрства і дакладнасць у апісанні нораваў і каларыту замежных краін.
6. Уплыў эстэтыкі барока на стылістычныя асаблівасці твора (напышлівасць стылю, кантрастнасць, эмацыянальнасць, кампазіцыйная ўскладнёнасць, дэкаратыўнасць, абцяжаранасць фармальнымі элементамі, пэўная вытанчанасць і экзальтаванасць, увага да асобных дэталяў і інш.).
7. “Авантуры...” С. Пільштыновай у кантэксце мемуарыстыкі ХУІІІ ст. і іх значэнне ў гісторыі беларускай літаратуры.

Літаратура:
Грыцкевіч В.П. Адысея наваградскай лекаркі. Мн., 1989.
Мальдзіс А. Беларусь у люстэрку мемуарнай літаратуры ХУІІІ ст. Мн., 1982.
Мальдзіс А. Як жылі нашы продкі ў ХУІІІ ст. Мн., 2001.
Мальдзіс А. На скрыжаванні славянскіх традыцый. Мн., 1980.